"Novruz yurdumuza xoş gəlir" adlı tədbir
Bakı Şəhəri üzrə Təhsil İdarəsinin 1 mart 2022-ci il tarixli F-85 №li əmri ilə təsdiq edilmiş "Bahar çələngi" layihəsinin icrası ilə bağlı Tədbirlər Planına əsasən Bakı şəhəri 28№li tam orta məktəbdə "Novruz yurdumuza xoş gəlir" adlı tədbir təşkil olunmuşdur. Məktəbin müəllim və şagird heyəti həmin tədbirdə fəal iştirak etmişdir. Şagirdlərin ifasında Novruz bayramını əks etdirən mahnılar, səhnəciklər təqdim olundu. Bir-birindən maraqlı kompozisiyalar ilə çıxış edildi. Novruz adət-ənənələri şagirdlər tərəfindən reallaşdırıldı. Kosa ilə keçəl öz ifaları ilə tədbirə daha da rəng qatdılar.
