"Narkomaniyaya yox deyək!" adlı tədbir
Bakı şəhəri 28 nömrəli tam orta məktəbdə 2021-2022-ci tədris ilinin Fəaliyyət Planına əsasən "Narkomaniyaya yox deyək!" adlı (bu adla sayca ikincidir) tədbir keçirildi. Tədbir məktəbin tərbiyə işləri üzrə direktor müavini Xəyalə Oruclu ve məktəbin kimya müəllimi Xəyalə İsmayılovanin təşkilatçılığı ilə icra edildi. Tədbiri giriş sözü ilə məktəbin direktoru Qənirə Əmircanova Azərbaycan Respublikasının Dövlət Himninin səsləndirilməsi ilə açıq elan etdi. Tədbirdə Sabunçu rayon Polis idarəsinin rəisi, polis polkovniki Cavid Muradov, Sabunçu rayon İdman və Gənclər İdarəsinin rəisi Rakif Əliyev, Respublika Narkoloji Mərkəzinin həkim narkoloqu Asif Kəngərli, 14-cü polis bölməsinin rəisi, polis polkovnik leytenantı Tural Məşədiyev, Yetkinlik yaşına çatmayanlarla profilaktiki işin təşkili bölməsinin rəisi, polis kapitan Ata Atayev iştirak etdilər. Şagirdlərin ifasında narkomaniyanın insanlara və ailələrə vurduğu ziyanın nəticəsi səhnəciklər vasitəsilə göstərildi, müxtəlif məzmunlu çıxışları oldu. Slayd formasında nümayiş etdirilən təqdimatlar tədbirin məqsədinin izahında şagirdlərə kömək etdi. Tədbirdə həmçinin Sabunçu rayon Polis idarəsinin rəisi, polis polkovniki Cavid Muradov, Sabunçu rayon İdman və Gənclər İdarəsinin rəisi Rakif Əliyev, Respublika Narkoloji Mərkəzinin həkim narkoloqu Asif Kəngərli də çıxış etdilər. Narkomaniyayanın zərərini və faciəsini şüurlu şəkildə dərk edən şagirdlər müxtəlif suallarla iştirakçılara müraciət etdilər. Onlar şagirdlərin suallarnı əhatəli şəkildə cavablandırrdılar.
Tədbirin sonunda Respublika Narkoloji Mərkəzinin həkim narkoloqu Asif Kəngərli müəllifi olduğu kitablarını məktəbin kitabxanasına hədiyyə edərək, bütün şagirdlərə təhsildə və həyatda uğurlar arzuladı.
