Rəsm müsabiqəsi
15.01.2020-ci il tarixində 28 nömrəli tam orta məktəbdə Azərbaycan Respublikasının Təhsil Nazirinin məktəblərə ünvanladığı 29.12.2019-cu il tarixli F-771 nömrəli əmrlə "20 Yanvar faciəsinin otuzuncu il dönümü ilə bağlı Təhsil Nazirliyinin Tədbirlər Planı"na əsasən rəsm müsabiqəsi keçirildi. Rəsm müsabiqəsi ilə yanaşı siniflərin 20 Yanvar müsabiqəsi mövzusunda hazırladıqları divar qəzetlərinə də baxış keçirildi. Müsabiqədə şagirdlərin 20 Yanvar faciəsi haqqında olan fikirləri əks olunmuşdu. Çəkilən rəsm və divar qəzetlərində şagirdlər 20 Yanvar faciəsini matəm günü olmaqla bərabər Azərbaycan xalqının tarixinə yazılmış qəhrəmanlıq salnaməsi kimi də təsvir etmişlər. Fərqlənən siniflər 1A sinfi, 1C sinfi, 2E sinfi, 5C sinfi, 5F sinfi, 7D sinfi, 8C sinfi, 8D sinfi oldu. Məktəb rəhbərliyi fərqlənən sinifləri və müsabiqə qaliblərini diplomla təltif etdi.
