“Valideynin məktəbdə bir günü” adlı layihə həyata keçirilmişdir
261 nömrəli məktəb-liseydə 30-31 May 2019-cu il tarixlərində tədbirlər planı əsasında “Valideynin məktəbdə bir günü” adlı layihə həyata keçirilmişdir. Tədbiri giriş sözü ilə məktəb-liseyin direktoru Abuzər Əsədov açaraq layihənin məqsəd və vəzifələri haqqında məlumat vermişdir.Direktor müavinlərinin müşayiəti ilə valideynlər məktəb-liseyin foesində, dəhlizlərində, yeməkxanasında, akt və idman zallarında olmuşlar. Valideynlərə 2018/2019-cu tədris ilinin nəticələri , İkinci yarımildə aparılacaq böyük summativ qiymətləndirilmənin qaydaları haqda bir daha məlumat verilmişdi. Məktəbin valideyn komitəsinin sədri valideynlər adından çıxış edərək məktəb rəhbərliyinə öz minnətdarlığını bildirmişdi. Seminarın sonunda valideynləri maraqlandıran suallar cavablandırılmışdır. . I və II növbədə valideynlər müxtəlif siniflərdə dərsləri müşahidə etmişlər. “Valideynin məktəbdə bir günü” layihəsi şagirdlərin valideynlər qarşısında konsert proqramı iıə çıxış etməsi ilə başa çatmışdır. Hər zaman olduğu kimi valideynlər məktəb-liseydən xoş təəssüratla ayrılmışlar.
