261 №-Lİ MƏKTƏB-LİSEY

İyulun 11-də 2023-2024-cü tədris ilində ümumi və tam orta təhsil səviyyələri üzrə məktəb-liseyi yüksək nailiyyətlərlə bitirən IX və XI sinif məzunlarına fərqlənmə attestatları təqdim olunub. Məktəb-liseyin direktoru Könül Məmmədli məzunları təbrik edərək onlara uğurlar arzulayıb. Qeyd edək ki, bu tədris ilində 11-ci sinfi bitirən 92 məzundan 9-u tam orta təhsili, 9-cu sinfi bitirən 121 məzundan 5-i ümumi orta təhsili fərqlənmə attestatı ilə başa vurublar.

İyulun 8-də məktəb-liseyin 9-cu sinfini bitirən şagirdlərə ümumi orta təhsil haqqında attestatlar təqdim olunub. Qeyd edək ki, 2023/2024-cü tədris ilində məktəb-liseyin 9-cu sinfini 121 şagird bitirib. Onlardan 5 nəfər fərqlənmə nümunəli attestata layiq görülüb. 21 nəfər şagird buraxılış imtahanında mümkün 300 baldan 200-dən yuxarı nəticə göstərib.

İyulun 3-də məktəb-liseyin 11-ci sinfini bitirən məzunlara tam orta təhsil haqqında attestatlar təqdim olunub. Qeyd edək ki, bu il məktəb-liseyin 11-ci sinfini 92 şagird bitirib. Onlardan 9 nəfər fərqlənmə nümunəli attestata layiq görülüb. 33 nəfər şagird buraxılış imtahanında mümkün 300 baldan 200-dən yuxarı nəticə göstərib.

Pedaqoji şuranın illik Fəaliyyət Planına uyğun olaraq məktəb-liseydə 2023/2024-cü tədris ilinin yekunlarına həsr olunmuş cari dərs ilinin sonuncu pedaqoji şura iclası keçirilib. İclasda il ərzində görülən işlər, hesabatlar müzakirə edilib. Növbəti tədris ilində qarşıya qoyulan əsas hədəflər barədə danışılıb. Sonda çalışmanın yaş həddinə çatmış müəllimlər, həmçinin dərs ili ərzində məktəbdənkənar fəaliyyətin təşkilində göstərdiyi fəallığa, gənc nəslin təlim-tərbiyəsində fədakar əməyinə, şagirdlərinin yüksək təlim nəticələrinə, məktəbdaxili qiymətləndirmələrin təşkilində göstərdiyi köməyə görə pedaqoji kollektivin bir qrup üzvu məktəb-liseyin direktoru Könül Məmmədli tərəfindən Təşəkkürnamələrlə təltif ediliblər.

Məktəb-liseyin müəllimləri ATİAHİ Xətai rayonu Komitəsi tərəfindən ümummilli lider Heydər Əliyevin anadan olmasının 101-ci ildönümü münasibətilə təşkil olunmuş idman yarışlarında müxtəlif oyunlar üzrə qalib gəldikləri üçün mükafatlandırılıblar. Voleybol üzrə I yer: 1. Valeh Əsədov 2. Əskər Sadıqov 3. Əbülfəz Hacıyev 4. Yaşar Qubadov 5. Famil Ağayev 6. Pərviz Əliyev Futbol üzrə: 1. Yaşar Qubadov- I yer 2. Əbülfəz Hacıyev- II yerŞahmat üzrə: 1. Valeh Əsədov- II yer Nərd üzrə: 1. Əskər Sadıqov- III yer