“Bərabərliyin sehrli bağı” adlı tədbir
Məktəb- liseyin ibtidai sinif müəllimi Lilpar Hacıyevanın təşkilatçılığı, 3ç sinif sinif şagirdlərinin iştirakı ilə 8 Mart Beynəlxalq Qadınlar Gününə həsr olunmuş “Bərabərliyin sehrli bağı” adlı tədbir keçirilib. Tədbir qadınların söz azadlığı uğrunda mübarizəsi, zamanla seçmək hüququna malik olması, ailə,məişət məsələlərində də qadınlara bərabər hüquqların verilməsinə həsr olunub.Şagirdlər müxtəlif səhnəcik və rəqslər nümayiş etdiriblər. Sonda Azərbaycanın ilk qəhrəman qadınlarına dair videoçarx nümayiş olunub. Məktəb- liseyin direktoru Könül Məmmədli çıxış edərək tədbir iştirakçılarına təşəkkür edib.
