"Ekologiya və iqtisadiyyat" layihəsi
2016-2017-ci tədris ilinin yanvar ayında məktəb-liseyimiz "Ekologiya və İqtisadiyyat" layihəsinə qoşulmuşdur. "Ekologiya və İqtisadiyyat" mövzusu ətrafında araşdırma aparılmış və müxtəlif məzmunlu tədbirlər həyata keçirilmişdir.Şagirdlərimiz biologiya müəllimlərinin təşəbbüsü ilə istifadəyə yararsız materiallardan quş yuvaları hazırlamışlar.Məqsədimiz məktəbin ərazisində təmizlik işləri aparmaq,qış aylarında yuvasız qalmış quşların qışlamasını təmin etmək və eyni zamanda şagirdlərə təbiəti sevməyi aşılamaq olmuşdur.Sonradan ibtidai sinif müəllimləri də bu təşəbbüsə qoşulmuş və əmək dərslərində müxtəlif tullantılardan istifadəyə yararlı əşyaları şagirdlərlə birlikdə hazırlamışlar.Nəticədə həm Ekologiyamıza,həm də İqtisadiyyatımıza böyük xeyir gətirmiş olduq.
