"Fəxr edirəm ki, azərbaycanlıyam!" adlı rəsm müsabiqəsi
![](https://bakimektebleri.edu.az/uploads/news_gallery/168421738464631e28556364.97369610.jpeg)
Mayın 3-də məktəb-liseydə ümummilli lider Heydər Əliyevin anadan olmasının 100 illiyinə həsr olunmuş "Fəxr edirəm ki, azərbaycanlıyam!" adlı tədbir keçirilib. Tədbir məktəbin təsviri incəsənət müəllimi Zərəfşan Məmmədovanın rəhbərliyi ilə məktəb-liseydə pedaqoji təcrübə keçən Azərbaycan Pedaqoji Universitetinin təsviri incəsənət fakültəsinin tələbələrinin təşkilatçılığı ilə keçirilib. Tədbirdə ADPU-nun təsviri incəsənət fakültəsinin kafedra müdiri Yeganə Cəlilova, baş metodist Çingiz Rüstəmov , məktəb-liseyin direktoru Könül Məmmədli, müəllimlər və şagirdlər iştirak edib. Azərbaycan Respublikasının Dövlət Himninin səsləndirilməsindən sonra tədbiri giriş sözü ilə açan Könül Məmmədli ulu öndərin şərəfli həyat yolundan, Azərbaycan tarixində misilsiz xidmətlərindən danışıb. Bədii hissədən sonra şagirdlərin əl işlərindən ibarət rəsm sərgisinə baxış keçirilib. Sonda qaliblər I ,II, III dərəcəli fəxri diplomlar, digər şagirdlər iştirakçı sertifikatları ilə mükafatlandırılıblar.