"Məktəbdaxili keyfiyyət monitorinqi- özünüqiymətləndirmə" mövzusunda Azərbaycan dili və ədəbiyyat müəllimləri ilə seminar-görüş
Aprelin 25-də məktəb-liseyin direktoru Könül Məmmədli Azərbaycan dili və ədəbiyyat müəllimləri ilə "Məktəbdaxili keyfiyyət monitorinqi- özünüqiymətləndirmə" mövzusunda seminar-görüş keçirib. Görüşdə məktəbdaxili keyfiyyət monitorinqinin əhəmiyyəti, müasir dərsə verilən tələblər, şagird nailiyyətləri və şəxsi inkişaf, öyrətmə və qiymətləndirmə, məktəbdə dəstəkləyici mühitin yaradılması məsələləri müzakirə edilib. Könül Məmmədli qeyd edib ki, dərsdinləmə zamanı şagirdlərin bilik və bacarıqlarının səviyyəsi, dərslərdəki irəliləyişləri, öyrənmə bacarıqları, davranışları və ətrafdakılarla qarşılıqlı münasibəti, öyrətmənin keyfiyyəti və formativ qiymətləndirmə əsas diqqət yetirməli meyarlar olmalıdır.
