İdman həftəsi çərçivəsində idman növləri haqqında təqdimatlar
İdman həftəsi çərçivəsində martın 3-də informatika müəllimi Aygün Mövlayeva 1b, 7b, 10c sinifləri ilə "İnsan həyatında idmanın rolu. İdmanla məşğul olmanın faydaları" mövzusunda təqdimatlar əsasında dərslər keçib. Şagirdlər də maraqlı təqdimatlarla çıxış ediblər. Qeyd edək ki, 5 Mart – Bədən Tərbiyəsi və İdman Günü münasibətilə 27 fevral – 3 mart tarixləri arasında Elm və Təhsil Nazirliyi tərəfindən ölkənin bütün ümumi təhsil müəssisələrində idman həftəsinə start verilib. "İdman həftəsi” layihəsinin keçirilməsində məqsəd davamlı idman məşqləri insanın müxtəlif xəstəliklərə tutulma riskini azaltmaqla yanaşı, fiziki balansımızda yaratdığı artma ilə əlaqədar işgörmə qabiliyyətimizə, təhsildə müsbət nəticə edəcəyimizə, məişətdə fəal olmağımıza, asudə vaxtımızı dəyərləndirmə bacarığımıza da müsbət təsir göstərməsini təmin edilməsidir.
