İdman həftəsi çərçivəsində qol güləşi
İdman həftəsi çərçivəsində martın 2-də məktəb-liseyin fiziki tərbiyə müəllimi Valeh Əsədovun rəhbərliyi ilə 10-cu sinif şagirdləri arasında qol güləşi yarışı keçirilib. 10c sinif şagirdi Əli Şahbazov 1-ci yerə, 10ç sinif şagirdi Ramal Bünyadov 2-ci yerə, 10a sinif şagirdi Nihat Muxtarov 3-cü yerə layiq görülüblər. Qeyd edək ki, 5 Mart – Bədən Tərbiyəsi və İdman Günü münasibətilə 27 fevral – 3 mart tarixləri arasında Elm və Təhsil Nazirliyi tərəfindən ölkənin bütün ümumi təhsil müəssisələrində idman həftəsinə start verilib."İdman həftəsi” layihəsinin keçirilməsində məqsəd şagirdlərin idmana olan marağının artırılması, təhsilalanların sağlamlığının möhkəmləndirilməsi, sağlam həyat tərzinin təbliği, fiziki inkişafının təmin edilməsi, onlarda müsbət emosiyaların dayanıqlı olması, idman və bədən tərbiyəsinin inkişafı, bu sahədə kütləviliyin təmin edilməsidir.
