İdman həftəsi çərçivəsində "Ən sürətli şagird" qaçış yarışı
İdman həftəsi çərçivəsində martın 1-də məktəb-liseyin fiziki tərbiyə müəllimi Yaşar Qubadovun rəhbərliyi ilə VI sinif şagirdləri arasında "Ən sürətli şagird" qaçış yarışı keçirilib. 30 metr məsafədə sürətlərini yoxlayan şagirdlər arasında 6b sinif şagirdi Sabir Əmiraslanov 1-ci yerə, 6d sinif şagirdi Məhəmməd Səttarlı 2-ci yerə, 6e sinif şagirdi Elgün Bayramlı 3-cü yerə layiq görülüblər. Qeyd edək ki, 5 Mart – Bədən Tərbiyəsi və İdman Günü münasibətilə 27 fevral – 3 mart tarixləri arasında Elm və Təhsil Nazirliyi tərəfindən ölkənin bütün ümumi təhsil müəssisələrində idman həftəsinə start verilib."İdman həftəsi” layihəsinin keçirilməsində məqsəd şagirdlərin idmana olan marağının artırılması, təhsilalanların sağlamlığının möhkəmləndirilməsi, sağlam həyat tərzinin təbliği, fiziki inkişafının təmin edilməsi, onlarda müsbət emosiyaların dayanıqlı olması, idman və bədən tərbiyəsinin inkişafı, bu sahədə kütləviliyin təmin edilməsidir.
