İdman həftəsi çərçivəsində psixoloqla söhbət
İdman həftəsi çərçivəsində fevralın 27-də məktəb-liseyin psixoloqu Fərəh Kamilova 5d və 7a sinif şagirdləri ilə idmançıların yarışa hazırlığının psixoloji yanaşması mövzusunda maarifləndirici söhbət aparıb. O, istər qalibiyyət, istərsə də məğlubiyyət zamanı psixoloji sabitliyin əhəmiyyətindən danışıb. Qeyd edək ki, 5 Mart – Bədən Tərbiyəsi və İdman Günü münasibətilə 27 fevral – 3 mart tarixləri arasında Elm və Təhsil Nazirliyi tərəfindən ölkənin bütün ümumi təhsil müəssisələrində idman həftəsinə start verilib."İdman həftəsi” layihəsinin keçirilməsində məqsəd şagirdlərin idmana olan marağının artırılması, təhsilalanların sağlamlığının möhkəmləndirilməsi, sağlam həyat tərzinin təbliği, fiziki inkişafının təmin edilməsi, onlarda müsbət emosiyaların dayanıqlı olması, idman və bədən tərbiyəsinin inkişafı, bu sahədə kütləviliyin təmin edilməsidir.
