"Dilim varsa, mən də varam!, adlı tədbir keçirilib.
Fevralın 23-də məktəb-liseydə Azərbaycan dili və ədəbiyyat müəllimi Nübar Musayeva 9b sinif şagirdləri ilə “Dilim varsa,mən də varam! ” adlı tədbir keçirib. Tədbirdə ana dilinə həsr olunmuş şeirlər, mahnılar ifa olunub, səhnəciklər nümayiş olunub. Şagirdlər Abbas Səhhət və Mirzə Ələkbər Sabirin obrazını yaradıb, "Anamın kitabı" əsərini səhnələşdiriblər. Tədbirin sonunda məktəb-liseyin direktoru Könül Məmmədli tədbiri yüksək qiymətləndirib, ana dilimizə olan hörmət və ehtirama görə təşəkkür edib.