"Ana dilim- milli sərvətim" adlı tədbir keçirilib.
Fevralın 16-da 21 Fevral- Beynəlxalq Ana Dili Günü münasibətilə “Ana dilim-milli sərvətim” adlı tədbir keçirilib. Azərbaycan Respublikasının Dövlət Himni səsləndirildikdən sonra məktəb-liseyin Azərbaycan dili və ədəbiyyat müəllimi Şəfaqət Əhmədova tədbiri giriş sözü ilə açaraq ana dilimiz, onun saflığı, gözəlliyi haqqında çıxış edib, sonra şagirdləri səhnəyə dəvət edib. V-VI sinif şagirdlərinin iştirakı ilə ədəbi-bədii-musiqili kompozisiya təqdim olunub. Tədbirin sonunda məktəb-liseyin direktoru Könül Məmmədli çıxış edərək şagirdlərin çıxışını yüksək qiymətləndirib, ana dilimizin tərəqqisi üçün çalışmağın vacibliyindən danışaraq bu müqəddəs sərvəti - ana dilimizi qoruyub saxlamağın önəmini vurğulayıb.
