"Kitabların həyatımızda rolu" adlı tədbir keçirilib.
Fevralın 14-də məktəb-liseydə "Kitabların həyatımızda rolu" adlı tədbir keçirilib. Tədbirin keçirilməsində məqsəd Beynəlxalq Kitab Bağışlama Günü barədə şagirdləri məlumatlandırmaq, onlarda kitaba məhəbbət, mütaliəyə həvəs oyatmaqdır. Məktəb-liseyin Uşaq Birliyi Rəhbəri İlhamə Mahmudova ,kitabxanaçılar Narın Məmmədova və Rəvanə Dadaşova, məktəb-liseyin məzunu, ADMİU-nun kitabxanaçılıq fakültəsinin tələbəsi İzel Mahmudovanın təşkilatçılığı ilə keçirilən tədbirdə şagirdlər şeirlər, mahnılar səsləndirib, səhnəciklər nümayiş etdiriblər.Məktəb-liseyin direktoru Könül Məmmədli məktəblilərə mütaliə mədəniyyətinin formalaşmasında kitabın rolundan ,gələcək nəsillərin dünyagörüşünün inkişafında kitab oxumağın nə qədər vacib məsələ olmasından bəhs edib.