20 Yanvar faciəsinin 33-cü ildönümünə həsr olunmuş xüsusi dərslər
Yanvarın 19-da 20 Yanvar faciəsinin 33-cü ildönumünə həsr olunmuş xüsusi dərslər kecirilib.Dərslərdə vətənimizin azadlığı uğrunda canından keçən mərd oğul və qızlarımızın əziz xatirəsi bir dəqiqəlik sükutla yad edilib. 1990-cı il yanvarın 19-dan 20-nə keçən gecə Bakıda törədilmiş vəhşiliklərdən, insanlığa qarşı yönəlmiş hadisələrin acı nəticələrindən söhbət açılıb, 20 Yanvar hadisələrinin tarixindən, əbədiyyətə qovuşan Vətən övladlarının şücaətindən bəhs edilib. Şagirdlər şanlı tariximizə həsr olunmuş şeirlər səsləndirib, məlumat və videoçarxlar təqdim ediblər.
