20 Yanvar faciəsinin 33-cü ildönümünə həsr olunmuş xüsusi dərslər
Yanvarın 19-da məktəb-liseyin informatika müəllimi Aygün Mövlayeva 4c sinfində 20 Yanvar faciəsinə həsr olunmuş xüsusi dərs keçib. Dərs Azərbaycanın azadlığı uğrunda canından keçən şəhidlərimizin ruhunun bir dəqiqəlik sükutla yad edilməsilə başlayıb. Müəllim Azərbaycan xalqının əsrlər boyu qəlbində yaşatdığı milli azadlıq və istiqlal istəyindən geri çəkilməyəcəyini, bu müqəddəs amal uğrunda hətta canından belə keçməyə hazır olduğunu bütün dünyaya nümayiş etdirməsi barədə danışıb. Şagirdlər şanlı tariximizə həsr olunmuş şeirlər səsləndiriblər.
