"Xarıbülbül rəsmini çək" müsabiqəsi keçirilib.
"Riyaziyyat-informatika" aylığı çərçivəsində məktəb-liseyin informatika müəllimi Aygül Orucovanın təşkilatçılığı ilə V-VI sinif şagirdləri arasında “Xarıbülbül rəsmini çək” müsabiqəsi keçirilib. Müsabiqənin keçirilməsində məqsəd şagirdlərin İKT bacarıqlarını üzə çıxarmaq, onlarda vətənpərvərlik hisslərini gücləndirmək olub. Öncə şagirdlər Azərbaycanın işğaldan azad edilən əraziləri haqqında krossvordu həll ediblər. Sonra "Qarabağ bizimdir,Qarabağ Azərbaycandır!" videoçarxı izlənilib.Vətən uğrunda canından keçən şəhidlərin xatirəsi 1 dəqiqəlik sükutla yad edilib.Şagirdlərin söylədiyi "Xarıbülbül, sən azadlıq rəmzisən!" şeiri dinlənildikdən sonra müsabiqənin praktik hissəsinə keçid edilib. Verilən zaman müddətində şagirdlər xarıbülbül şəklini çəkiblər. Sonda münsiflər heyəti tərəfindən hər bir şagirdin işi qiymətləndirilib, şagirdlər diplom və sertifikatla təltif olunublar.
