"Riyaziyyat aylığı" çərçivəsində 6a sinfində riyaziyyat dərsi
"Riyaziyyat aylığı" çərçivəsində Günay Həsənovanın "Tam ədədlərin vurulması" mövzusunda nümunəvi dərsi dinlənilib. Dərsdə həmin məktəb-liseyin direktoru Könül Məmmədli, təlim-tərbiyə işləri üzrə direktor müavinləri Samirə Məhərrəmova, Səidə Fərhadova və fənn müəllimləri iştirak ediblər. Dərsin məqsədi tam ədədlərin vurulmasını öyrənmək və vurmanın xassələrini tətbiq etmək olub. Dərsdə şagirdlər "Zəfər", "Şuşa", "Dəmir yumruq", "Xarıbülbül" adlı 4 qrupa bölünüblər. Dərs müddətində mövzu fərqli və müasir üsullarla şagirdlərə aşılanıb, dərsin sonunda qruplar fəal iştiraklarına görə qiymətləndiriliblər.
