"Riyaziyyat aylığı" çərçivəsində 9b sinfində nümunəvi dərs
"Riyaziyyat aylığı" çərçivəsində məktəbin riyaziyyat müəllimi Əbdürrəhimova Nəzakətin 9b sinfində "Bir tənliyi bir dərəcəli, digəri ikidərəcəli olan tənliklər sistemi “ mövzusunda nümunəvi dərsi dinlənilib. Standart dərs modelində qurulan bu dərsdə 2.2.2 standartı müəyyən olunmuş bacarıqlar fonunda reallaşdırılıb. Mövzuya maraq yaratmaq məqsədi ilə müəllim "Kahoot! oyun əsaslı öyrənmə" platformasından istifadə edib. Daha sonra şagirdlər qruplarla işə cəlb olunub. Onlar yaradıcı tapşırıqların həllində bacarıqlara nə dərəcədə yiyələndiklərini nümayiş etdiriblər. Dərsin refleksiya mərhələsi “Kim milyoner olmaq istər” yarışması ilə bitib. Dərsdə məktəb-liseyin direktoru Könül Məmmədli, təlim-tərbiyə işləri üzrə direktor müavini Samirə Məhərrəmova, metodbirləşmə sədri Sevil Rzayeva və fənn müəllimləri iştirak ediblər.Dərsin sonunda müəllimlə dərsin müzakirəsi aparılıb, texnologiyadan məqsədyönlü istifadə yüksək qiymətləndirilib, dərslə bağlı rəy və metodiki tövsiyələr nəzərə çatdırılıb.
