Həmrəylik Gününə həsr olunmuş intellektual yarışma
Dekabrın 24-də məktəb-liseydə 31 Dekabr Dünya Azərbaycanlılarının Həmrəylik Günü münasibətilə “Breyn-Rinq” intellektual oyunu təşkil olunub. Məktəb-liseyin direktoru Könül Məmmədlinin təşəbbüsü ilə “Daim həmrəy olaq” devizi altında keçirilən yarışmada həm inzibati, həm pedaqoji, həm də texniki heyət iştirak edib. Yarış Azərbaycan Respublikasının Dövlət Himninin səsləndirilməsi ilə başlayıb. Daha sonra Könül Məmmədli çıxış edərək komandalara uğurlar arzulayıb. 8 komandanın iştirak etdiyi maraqlı və gərgin mübarizənin sonunda “Zəfər” komandası I yerə, “Qələbə " komandası II yerə, “ Xarıbülbül” komandası III yerə, "Zirvə" komandası isə həvəsləndirici yerə layiq görülüb. Qalib komandaların üzvləri fəxri fərmanlarla, kubokla təltif olunublar.