"Biliyini paylaş" layihəsi
Ümumi təhsil məktəblərində interaktiv və əsaslandırılmış tədrisə yönəlmiş layihə əsaslı öyrənmənin dərs prosesində tətbiqi ilə bağlı aktual məsələyə diqqətin artırılması, bu istiqamətdə yaradıcı və yenilikçi müəllimlərin qabaqcıl təcrübələrinin öyrənilməsi məqsədilə Bakı Şəhəri üzrə Təhsil İdarəsinin F-386 nömrəli əmrinə əsasən keçirilən "Biliyini paylaş" layihəsində məktəb-liseyin texnologiya müəllimi Zeynəb Ağayeva da iştirak edərək ikinci mərhələdə iştirak hüququ qazanıb. Zeynəb Ağayevanın rəhbərlik etdiyi "Qoşul, təcrübə qazan" layihəsində məktəb-liseyin 3 müəllimi də iştirak edir. Məktəb-liseyin direktoru Könül Məmmədli komandanın üzvləri ilə görüşərək onlara tövsiyələrini verib, uğurlar arzulayıb.Dekabrın 12-də layihə ilə əlaqədar mentor Zeynəb Ağayevanın rəhbərliyi ilə seminar keçirilib.
