Zəfər Gününə həsr olunmuş intellektual yarışma
Noyabrın 4-də məktəb-liseyin psixoloqları Aygün Məhərrəmova və Fərəh Kamilovanın təşkilatçılığı ilə Zəfər Gününə həsr edilmiş intellektual yarışma keçirilib. Yarışın keçirilməsində əsas məqsəd şagirdlərin dünyagörüşünün inkişaf etdirilməsi, intellektual səviyyəsinin yüksəldilməsi, həmçinin xalqımızın qüdrətinin, milli qürurumuzun təntənəsinə çevrilən, dövlətimizin nüfuzu və gələcək inkişafı baxımından müstəsna əhəmiyyət kəsb edən bu misilsiz qələbənin tarixinin heç vaxt unudulmayacağının aşılanması idi. Yarışda hər biri 8 nəfərdən ibarət olmaqla 3 komanda- “Şanlı Zəfər”, “Xudayar” və “Zəfər yolu” komandaları iştirak edib. 5 mərhələdən ibarət olan gərgin yarışın sonunda “Şanlı Zəfər” komandası qalib olub. Qalib komandanın üzvləri məktəb-liseyin direktoru Könül Məmmədli tərəfindən fəxri fərmanlarla təltif olunublar.
