Zəfər Günü və Bayraq Gününə həsr olunmuş təşkilat saatları
Həftə ərzində məktəb- liseydə sinif təşkilat saatları Zəfər Günü və Bayraq Gününə həsr olunub. Təşkilat saatları ölkəmizin ərazi bütövlüyü və suverenliyi uğrunda canlarını qurban vermiş şəhidlərimizin xatirəsinin yad edilməsi ilə başlayıb. Şagirdlərə Azərbaycanın tarixinə qızıl hərflərlə yazılmış Zəfər Günü, 44 günlük müharibədə igid oğullarımızın qəhrəmanlığı və milli suverenliyin simvolu, qürur mənbəyimiz olan bayrağımızın yaranma tarixi barədə ətraflı məlumat verilib. Şagirdlər Qarabağ Zəfəri, üçrəngli bayrağımız, vətənpərvərlik mövzularında şeirlər söyləyib, mahnılar ifa ediblər.
