Zəfər Gününə həsr olunmuş konfrans
Noyabrın 5-də məktəb-liseyin ibtidai sinif müəllimi Dadaşova Fidanın rəhbərliyi ilə 3e sinfində Zəfər Gününə həsr olunmuş konfrans təşkil olunub. Konfransda direktor müavinləri Samirə Məhərrəmova, Nərmin Uğurliyeva, Lamiə Məmmədova da iştirak ediblər. Konfransın mövzusu “ 44 günlük müharibə və şanlı zəfər tariximiz “ olub.Konfrans Azərbaycan Respublikasının Dövlət himninin səsləndirilməsi və Azərbaycan şəhidlərinin yad edilməsi ilə başlayıb.Konfransın gündəliyində duran əsas məsələ 44 gün ərzində zəfərə gedən yolda baş verən hadisələr , dövlət siyasəti , igid oğullarımızın şücaəti , musiqi beşiyimiz və mədəniyyət ocağımız Qarabağ , xüsusən də Şuşanın tarixi və mədəniyyəti olub. Şagirdlər Qarabağın tarixi və mədəni abidələri haqqında araşdırdıqları informasiyanı səlis nitq bacarığı ilə nümayiş etdiriblər.