Kompüter əsri olsa da, kompüterin əsiri olmayaq
261 nömrəli məktəb-liseydə informatika müəllimi Cəfərova Günay müəllimənin təqdimatında VI sinif şagirdləri ilə “Kompüter əsri olsa da, kompüterin əsiri olmayaq” mövzusunda seminar təşkil olunmuşdu. G.Cəfərova şagirdlərə yaşadığımız əsrin texnologiya kompüter əsri olmasından, kompüterin həyatımızın önəmli bir hissəsinə çevrilməsindən danışdı. Eyni zamanda şagirdlər hazırladıqları təqdimatlar əsasında kompüterin həm müsbət, həm də mənfi cəhətlərindən söz açdılar. Cəfərova Günay müəllimə uşaqları işimizi asanlaşdıran kompüterin əsiri olmamağa çağırdı, boş vaxtlarımızı düzgün dəyərləndirməyə, təmiz havada gəzib təbiətdən zövq almağa, kompüterdə saatlarla oyun oynamaq əvəzinə yoldaşlarımızla vaxt keçirib,oyunlar oynamağa, idman etməyə, təbiəti sevib güllər əkməyə dəvət etdi.