Məktəblilərin Zəfər bayramına həsr olunmuş şahmat yarışı
06.11.2021-ci il tarixində 261 nömrəli məktəb-liseydə II-IV sinif şagirdləri arasında Zəfər bayramına həsr olunmuş “Qalibiyyət” adlı şahmat yarışı keçirilib. Yarışın təşkilində əsas məqsəd kiçik yaşlı məktəblilər arasında şahmata marağı artırmaq, onların bacarıqlarını üzə çıxarmaq və şagirdlərin asudə vaxtlarının səmərəli keçməsini təmin etməkdən ibarət olub. Yarışın nəticələrinə əsasən, məktəb-liseyin 2d sinif şagirdi Həmidli Murad I yerə, Vəlixanov Adil II yerə, Rəcəbli Ağaqasım III yerə layiq görüldü. Qaliblər diplomla təltif olunub.