Öyrənməyi daha maraqlı edək
Yay tətili zamanı ən çox diqqət yetirilməli məqamlardan biri də şagirdin fiziki və zehni fəaliyyətinin tarazlaşdırılmasıdır. Düzgün qurulmuş mədəni-idman proqramları şagirdin həm istirahətini, həm fiziki fəaliyyətini təmin edir, həm də bir fərd kimi yetişməsi üçün həyati vərdişlər qazandırır. Bütün bunlarla yanaşı, hər bir “Yay məktəbi” şagirdlər üçün yeni dostlar və vərdişlərin qazanılması deməkdir.261 nömrəli məktəb-liseydə təşkil olunan “Yay məktəbi”ndə şagirdlərin dünyagörüşü zənginləşir, onlara akademik biliklərdən əlavə bacarıqlar da aşılanır. Məktəbdə “Yay məktəbi” çərçivəsində bütün fəaliyyət müəllim və rəhbərliyin nəzarəti, koordinasiyası altında həyata keçirilir. Azərbaycan Gənc Müəllimlər Assosiasiyası təşkilatçılığı ilə 21 iyun tarixində məktəb-liseyə ğöndərilən təlimçilər Orxan və Gülarə Nuri uşaqlarla əyləncəli vaxt keçirərək onların potensial imkanlarını üzə çıxartdı. Bu işdə onlara AGMA-nın könüllüsü Vəliyeva Şəhla da kömək etdi.V-VIII sinif şagirdləri ilə təlimçi Orxan Nuri “Dağçılıq” mövzusunda əyləncəli oyunlar , III-VIII sininflərdən ibarət digər qrupda isə təlimçi Gülarə Nuri “Təbiətdə yaşam” mövzusunda intelektual və əyləncəli işlər aparılmışdır.