Məktəb-liseydə onlayn açıq dərslər keçirilib
8 may 2021-ci il tarixində 261 nömrəli məktəb-liseydə Ulu öndər Heydər Əliyevin misilsiz xidmətlərinə həsr olunmuş onlayn açıq dərslər keçirilmişdir. Hər il olduğu kimi bu ildə də xalqımızın böyük oğlu, müasir Azərbaycan dövlətinin qurucusu və banisi, əbədi olaraq ümumxalq sevgisini qazanmış ulu öndər Heydər Əliyevin anadan olmasının 98-cı ildönümü məktəb-liseyin müəllim və şagirdləri tərəfindən onlayn formada təntənə ilə qeyd edildi.İbtidai sinif müəllimləri Qədirova Afaq 2d sinfi ilə, Hacıyeva Lilpar 4ç sinfi ilə və Məhərrəmova Nazlı rəhbərlik etdiyi 2 a sinfi ilə onlayn açıq dərs verərək dahi şəxsiyyət və böyük dövlət xadimi Heydər Əliyevin misilsiz xidmətlərindən, milli və dövlətçilik maraqlarına xidmət edən zəngin fəaliyyətindən bəhs etdilər. Eyni zamanda bu onlayn dərslərdə şagirdlər tərəfindən hazırlanan təqdimatlar nümayiş etdirildi, şagirdlərin dahi liderdən bəhs edən şeirləri və ulu öndər haqqında ürək sözləri də səsləndirildi.Məktəb-rəhbərliyi açıq dərslərdə iştirak edərək Azərbaycan xalqının ümummilli lideri, müdrik rəhbər və dahi şəxsiyyət Heydər Əlirza oğlu Əliyevin əziz xatirəsini ehtiramla yad edərək, ölməz rəhbərin xalqımızın qəlbində əbədi yaşayacağından söz açdı.Ömrünü xalqına həsr edən, milləti, dövləti üçün misilsiz xidmətlər göstərən rəhbərlər heç zaman unudula bilməz.