261 nömrəli məktəb-liseydə Ulu öndər Heydər Əliyevin anadan olmasının 98-ci il dönümünə həsr olunmuş sərgi təşkil olunmuşdur
261 nömrəli məktəb liseydə Ulu öndər Heydər Əliyevin anadan olmasının 98-ci il dönümünə həsr olunmuş tədbirlər planı hazırlanmışdır.Belə ki, məktəbin foyesində Heydər Əliyevin həyat və fəaliyyətinin müxtəlif mərhələlərini əks etdirən çoxsaylı fotoşəkillər, şagirdlərin əl işlərindən ibarət sərgi düzəldilmişdir. Bu fotolardan nurlu, bəzən gülümsər, bəzən qayğılı və düşüncəli sima boylanır. Bu fotolarda biz Heydər Əliyevi ailə üzvləri arasında, iş başında, müxtəlif tədbirlərdə, insanlar arasında görürük. Bu tarixi fotolar bizi illər arxasına çəkib aparır, ötən günlərə qaytarır. Baxıb təsirlənirik, baxıb qürur duyuruq.Bunlardan əlavə məktəb-liseydə Ulu öndər Heydər Əliyevin 98-ci il dönümünə həsr olunan kitab sərgisi təşkil edilib. Sərgidə Ümummilli lider Heydər Əliyevin Azərbaycan xalqının taleyində, ölkənin beynəlxalq mövqeyinin daha da möhkəmlənməsində əvəzsiz xidmətlərindən bəhs edən, eyni zamanda dahi şəxsiyyətin fəaliyyəti dövründə respublikamızın ictimai-siyası, sosial, iqtisadı, elmi, mədəni həyatındakı hadisələri əks etdirən kitablar və digər nəşrlər yer alıb.Həmçinin məktəbin foyesində şagirdlərimiz tərəfindən yazılmış dahi şəxsiyyətin anadan olmasının 98-ci ildönümünə həsr olunmuş 98 ədəd inşa yazıları da sərgilənməkdədir. Bu inşa yazılarında məkəbimizin müxtəlif sinif uşaqlarının dahi şəxsiyyətə olan sevgi və məhəbbəti tərənnüm olunmuşdur.Məktəb rəhbərliyinin təqdimatı əsasında 7-8 may tarixlərində məktəb-liseyin 1-11 –ci siniflərində ilk dərslər dahi şəxsiyyətin anadan olmasının 98-ci ildönümünə həsr olunacaq. Məktəbin ibtidai sinif müəllimləri Ağayeva Aynurə Qoşun qızı 4i sinfi ilə onlayn tədbir; 4ç sinif müəllimi Hacıyeva Lilpar Seyran qız və 2a sinif rəhbəri Məhərrəmova Nazlı Vaqif qızı Microsoft Teams platforması üzərindən onlayn açıq dərs verəcəklər. Məktəbin tarix müəllimi Məmmədova Arzu Rəcəb qızı isə dərs dediyi 5e sinfi ilə onlayn açıq dərs keçirəcək.Məktəbdə yaradılmış bu abu-havanı seyr etdikcə insanda tam əminlik yaranır ki, müəllim və şagirdlərin Heydər Əliyevə məhəbbəti əbədidir.Nə qədər Azərbaycan var, nə qədər bu millət var, Heydər Əliyev də var olacaq, yaşayacaq.