Məktəblilərin idman uğuru
261 nömrəli məktəb-liseyin şagirdlərinin şəhər və beynəlxalq yarışlarda əldə etdiyi uğurlarının sırası genişlənməkdədir.Məktəb-liseyimizin məktəbə hazırlıq qrupunda oxuyan He qrup şagirdi Leyla Kərimzadə Azərbaycan Milli Karate Federasiyası tərəfindən keçirilən turnirdə qalib gələrək Azərbaycan bayrağını qaldırıb,himnimizi səsləndirib. Bundan əlavə Leyla “Zirvə” idman klubu tərəfindən keçirilən Gənclər gününə həsr olunmuş yarışda da qalib gələrək I yerə layiq görülmüşdür.Eyni yarışda 3a sinfində oxuyan Nəbiyev Əli də uğurla iştirak etmişdir. Bu qalibiyyətlərinə görə Leyla və Əli federasiya tərəfindən medal və diplomla mükafatlandırılmışdır.1a sinif şagirdi Rüstəmzadə Ayaz və 2 c sinif şagirdi Ağazadə Mətin ,5d sinfində oxuyan Ağazadə Ayan taekvondo üzrə Abşeron rayon turnirində I yer tutduğuna görə Abşeron rayon Gənclər və İdman İdarəsi tərəfindən medal və diploma layiq görülmüşdür.1e sinfində oxuyan Mahmudov Teymur CÜDO üzrə “Əhmədli” İ.K-nun açıq birinciliyində 22 kq-lıq cüdoçular arasında üç dəfə birincilik qazanmışdır,4ç sinfində oxuyan Şıxəliyev Hüseyn və Həşimli Yusif də Qarabağ İdman Klubunun Judo İdman növü üzrə uşaqlar arasında açıq birinciıliyində I yeri qazanaraq medal və diplomlarla təltif olunmuşdur.3ç sinfində oxuyan Məmmədov Hikmət də eyni yarışda iştirak edərək II yeri qazanmışdır.2a sinfində oxuyan Mirzəyev Sabir “Azərbaycanda Gənclər Günü”nə həsr olunmuş kikboksinq üzrə DİN-in İdman Cəmiyyətinin keçirdiyi açıq birincilikdə I yerə layiq görülmüş,medal və diplom qazanmışdır.4d sinif şagirdi Aslanova Banuçiçək, 2ç sinif şagirdi Şirinli Nicat şahmat üzrə yarışlara qatılaraq diploma layiq görülmüşdür.Yuxarı sinif şagirdləri də öz uğurları ilə seçilənlər sırasında olmuşdurlar. Belə ki, Lənkəran şəhərində keçirilən futbol yarışında 8 a sinif şagirdi Məhərrəmov Nicat “Bakı 008” komandası ilə iştirak edərək qalibiyyətlə Bakıya dönmüşdü. Məktəb-liseyin digər şagirdi Qayıbova laçın da dəfələrlə Azərbaycan Milli karate Federasiyası tərəfindən diplom ve medallarla təltif olunmuşdur.Məktəb-liseyin şagirdi Hacızadə Rahib 01-02 fevral tarixində “Muay Thai” idman növü üzrə keçirilmiş açıq turnirdə I yer tutmuşdur. “Uğur” İdman Mərkəzinin təşkil etdiyi Akrobatik Gimnastika üzrə açıq çempionatinda məktəb-liseyin şagirdi Hacızadə Ahu da uğur qazanaraq daını qaliblər sırasına sala bilmişdir.Yarışlarda iştirak edərək qalibiyyət qazanmış şagirdlərimizi təbrik edir və onlara uğurlar arzulayırıq.
