Nağıl müsabiqəsinin rayon turunda qalib gəlmiş məktəb
Dekabrın 26-də 86 nömrəli tam orta məktəbdə Xətai rayon Gənclər və İdman İdarəsinin təşkilatçılığı ilə Xətai rayon orta ümumtəhsil məktəblərinin ibtidai sinif şagirdləri arasında “Nаğıl” müsаbiqəsi keçirilib. Müsabiqədə Azərbaycan və dünya nağıllarından ibarət 15 dəqiqəlik səhnəciklər təqdim olunmuşdur.Bu müsabiqədə 261 nömrəli məktəb-liseyin 3c -Qədimova Namilə və 3i-Ağayeva Aynurə sinif rəhbərlərinin təşkilatçılığı ilə 8 nəfərdən ibarət komandamız ”Günəş” nağılı ilə çıxış etmişdilər.Müsabiqədə iştirak edən məktəbin komandası uğurlu çıxışına görə münsiflər heyəti tərəfindən bəyənilmiş və I yerə layiq görülmüşlər.Bu uğura görə məktəb-liseyin direktoru A.H.Əsədov sinif müəllimlərini təbrik etmiş və müsabiqədə iştirak edən uşaqların hər birinə təşəkkürünü bildirmişdir.
