261 nömrəli məktəb-liseyin Bakı şəhəri üzrə müsabiqələrdə uğurları
2019-2020-ci tədris ilində Bakı şəhəri üzrə Təhsil İdarəsinin 21.11.2019-cu il tarixli F436 əmrinə əsasən “Kiçik tədqiqatçılar” müsabiqəsi keçirilmişdir. Bu müsabiqədə 261 nömrəli məktəb-liseyi II,III və IV sinif şagirdlərindən təşkil olunmuş “Evrika” komandası “Fövqəladə hallar zamanı davranış qaydaları” tədqiqat işi ilə təmsil etmişdir.Komandanın rəhbəri ibtidai sinif müəllimi Dadaşova Fidan olmuşdur. Komanda fəal iştirakına görə Bakı şəhəri üzrə Təhsil İdarəsi tərəfindən “Tərifnamə” ilə təltif olunmuşdur.Bununla əlaqədar olaraq məktəb-liseyin direktoru A.H.Əsədov komanda rəhbəri Fidan Dadaşovanı təbrik etmiş və komanda iştirakçılarının hər birini “Tərifnamə “ ilə təltif etmişdir.Eyni zamanda Bakı şəhəri üzrə Təhsil İdarəsinin 19 noyabr 2019-cu il tarixli F-425 nömrəli əmrinə əsasən “Gəlin tanış olaq” müsabiqəsi keçirilmişdir. Müsabiqədə 261 nömrəli məktəb-liseyi “Xətai parkları” mövzusu ilə VIII sinif şagirdi Rinat Qədimzadə təmsil etmişdir. Müsabiqənin nəticələrinə görə Bakı Şəhəri üzrə Təhsil İdarəsi tərəfindən “Həvəsləndirici yer”ə layiq görülmüş və “Fəxri fərman”la təltif edilmişdir.Bu uğurlara görə müsabiqələrdə qalib gəlmiş pedaqoji kollektivin üzvlərini təbrik edir və gələcək müsabiqələrdə onlara uğurlar diləyirik.