Məktəbimizin müəllimi fəxri fərmanla təltif edilib25 dekabr 2017-ci il tarixində "Təhsil" Respublika İdman Mərkəzində məktəbimizin idman müəllimi, idman ustası, badminton üzrə respublika dərəcəli hakim, badminton üzrə respublika yığma komandasının məşqçisi Cavanşir Əlizadə bədən tərbiyəsi və idmanın inkişaf etdirilməsində, uşaq-yeniyetmə və gənclərin idmana cəlb olunmasında səmərəli fəaliyyət göstərdiyinə görə fəxri fərmanla təltif edilib.
Məktəbimizin şagirdi taekvando idman növü üzrə yarışda I yerə layiq görülübMəktəbimizin IV sinif şagirdi Elvin Bayramov Azərbaycan Taekvando Federasiyasının Uşaqlar və Yeniyetmələr arasında 16-17 dekabr 2017-ci il tarixində keçirilən Göyçay açıq birinciliyində 36 kq çəki dərəcəsində I yer tutduğuna görə diplomla təltif olunub.
Şagirdimiz badminton üzrə yarışda I yeri tutub2017-ci il dekabrın 15-də Binəqədi rayon Gənclər və İdman İdarəsi tərəfindən badminton idman növü üzrə Binəqədi rayon açıq turniri keçirilib. Məktəbimizin VIII sinif şagirdi Rəvan Niftalıyev I yerə layiq görülüb və diplomla təltif edilib.