239 №-li tam orta məktəb

Müəllim nailiyyətləriOktyabrın 14-də Təhsil Nazirliyində dövlət təltiflərinə layiq görülən təhsil işçilərinə mükafatların təqdim olunması mərasimi keçirilib. Tədbirdən öncə təhsil naziri Mikayıl Cabbarov, rəhbər təhsil işçiləri, dövlət təltiflərinə layiq görülən müəllimlər Fəxri Xiyabana gələrək ümummilli lider Heydər Əliyevin və akademik Zərifə xanım Əliyevanın xatirəsini ehtiramla yad edib, məzarları önünə gül dəstələri qoyublar. Mərasimdə təhsil naziri Mikayıl Cabbarov, nazir müavinləri Ceyhun Bayramov, Firudin Qurbanov və KİV nümayəndələri iştirak ediblər. Təhsil naziri Mikayıl Cabbarov Azərbaycan Respublikasının Prezidenti İlham Əliyevin sərəncamları ilə təhsilin inkişafındakı xidmətlərinə görə fəxri adlara layiq görülən bir qrup təhsil işçisini təbrik edib. Nazir bu sərəncamların ölkə Prezidentinin təhsil sahəsinə olan diqqət və qayğısının bariz nümunəsi olduğunu bildirib. Çox sevindirici haldır ki,məktəbimizin biologiya müəllimi Nügbar Qayıblı “Əməkdar Müəllim” Fəxri adına layiq görülmüşdür.Nügbar Qayıblı bununla bağlı öz təəssuratını və sevincini kollektivin üzvləri ilə bölüşdürmüşdür.

Məktəb diploma layiq görülmüşdürAzərbaycan Velosiped İdmanı Federasiyası Səbail Rayon Gənclər və İdman İdarəsi ilə birlikdə keçirdiyi 5 mart-Bədən tərbiyəsi və idman gününə həsr olunmuş Velosiped İdmanı üzrə "Məktəbli kuboku"nda III yer tutduğuna görə məktəbin komandası diplomla təltif olunmuşdur.

Şagird nailiyyətləriRusiya Federasiyasında Heydər Əliyev Fondu və Azərbaycan Respublikasının Səfirliyi tərəfindən təşkil edilmiş “Muğam musiqisi gecəsi” Moskva tamaşaçısına müasir muğamın növləri haqqında tam təsəvvür verilmişdir.Həmin tədbirin fəal iştirakçılarından biri də,məktəbin şagirdi Məhəmməd Məmmədov olmuşdur.