239 №-li tam orta məktəb

Mən yer üzündə müəllimlikdək yüksək ad tanımıram!-Ümummilli lider Heydər Əliyev

Müəllimlik ali peşədir! Bu adın ağırlığını çiyinlərində daşıyan müəllimlərini şagirdlərimiz böyük coşğu və sevgi ilə təbrik etdilər.
Gününüz mübarək əziz müəllimlərimiz!

Oktyabrın 1-də dövlət ümumi təhsil müəssisələrindəki məktəbəhazırlıq qruplarında məşğələlərə start verilib.

2024-2025-ci tədris ilində Bakı Şəhəri üzrə Təhsil İdarəsinin tabeliyindəki 287 ümumi təhsil müəssisəsinin məktəbəhazırlıq qruplarına 23 438  uşaq qeydiyyatdan keçib.

Qeyd edək ki, dövlət ümumi təhsil məktəblərində yaradılan məktəbəhazırlıq qruplarında həftədə 4 gün olmaqla 12 məşğələ keçirilir. Məktəbəhazırlıq qruplarında dərs məşğələləri “Ətraf aləmlə tanışlıq”, “Savad təliminə hazırlıq və nitq inkişafı”, “Bədii təfəkkürün inkişafı”, “Məntiqi və riyazi təfəkkürün inkişafı”, “Təsviri fəaliyyət”, “Musiqi” və “Fiziki mədəniyyət”dən ibarətdir.

Onu da qeyd edək ki, məktəbhazırlıq qruplarının yaradılmasında məqsəd 5 yaşlı uşaqların hazırlığı ilə əlaqədar psixoloji dayanıqlığını artırmaq, təhsil mühitinə uyğunlaşdırmaq, onların ünsiyyət və birgə fəaliyyət bacarıqlarına yiyələnməsini təmin etməkdən ibarətdir.

Bu gün  mayor səhid Ilkin Əhədzadənin şəhadətə qovuşduğu gündür.
İgid komandir Əhədzadə İlkin Kəlbəcər istiqamətində üç post ələ keçirib və həmin postlara təminat apardığı zaman 1 oktyabr 2020-ci ildə qəhrəmancasına şəhid olub. Şəhidin adını daşıyan 7A sinfində şəhidimiz anılmış, onun qəhrəmanlığından söhbət açılmışdır.

Məktəbəhazırlıq qruplarında tədris başladı.
Bu gün 5 yaşlı körpə fidanlar məktəbəhazırlıq qruplarında tədrisə başladılar. Qeyd edək ki, məktəbimizdə 77 uşaq 3 məktəbəhazırlıq qruplarında təhsil alacaq. Körpə fidanlara uğurlar arzu edirik.

Məktəbin həm ibtidai, həm də yuxarı siniflərində Vətən müharibəsi şəhidləri anılıb. Bu münasibətlə sinif təşkilat saatları, açıq dərslər keçirilmiş, şagirdlərə 27 sentyabr-Anım gününə həsr olunmuş sənədli filmlər nümayiş olunmuşdur.