“Zəfər uşaqların gözü ilə” adlı müsabiqə-sərgi keçirilib
Oktyabrın 24-də məktəbin uşaqlarla məktəbdənkənar və sinifdənxaric tərbiyə işi üzrə təşkilatçısı Yaqut İslamova, uşaq birliyi rəhbəri Tünzalə Cəfərova və məktəbin texnologiya və təsviri incəsənət müəllimlərinin birgə təşkilatçılığı ilə məktəbin foyesində 8 Noyabr - Zəfər Gününə həsr olunmuş “Zəfər uşaqların gözü ilə” adlı müsabiqə-sərgi keçirilib. Sərgidə məktəbin müxtəlif siniflərindən olan şagirdlərin rəsm və əl işləri nümayiş olunub.
Sərginin açılış mərasimində məktəb rəhbərliyi, müəllim, şagird kollektivi və valideynlər iştirak ediblər.
Sərgidə nümayiş olunan bir-birindən fərqli rəsm əsərlərində və əl işlərində gələcəyin bacarıqlı rəssamlarının Zəfər sevinci öz təzahürünü tapıb. Belə ki, müsabiqə-sərgidə igid Azərbaycan oğullarının müharibə dövründə göstərdiyi böyük qəhrəmanlıqlar təsvir olunub.
Münsiflər heyəti tərəfindən müsabiqə-sərgiyə təqdim olunan işlərə baxış keçirilib, qaliblər seçilib.
