“Şahin” hərbi-idman oyununun Bakı şəhəri üzrə zona mərhələsi keçirilib
Mayın 4-də Cəmşid Naxçıvanski adına Hərbi Liseydə “Şahin” hərbi-idman oyununun Bakı şəhəri üzrə zona mərhələsi keçirilib.
Ümumilikdə Bakının 12 inzibati rayonu üzrə komandalar sıra, fiziki, mülki-müdafiə hazırlığı və maneələrin dəf olunması, eləcə də digər mərhələlər üzrə tapşırıqları icra ediblər.
Məktəbin çağırışaqədər hazırlıq rəhbəri polkovnik-leytenant Eldəniz Niftiyevin rəhbərlik etdiyi 236 nömrəli tam orta məktəbin 10-cu sinif şagirdlərindən ibarət Səbail rayon komandası paytaxtın 12 inzibati rayonu arasında 4-cü yeri tutub.
“Şahin” hərbi-idman oyununun keçirilməsində məqsəd məktəblilərin fiziki sağlamlığının möhkəmləndirilməsi və çağırışçı gənclərin hərbi xidmətə hazırlığının artırılmasından ibarət olub.
