“Empatiya və bullinq” adlı maarifləndirici görüş keçirilib
Oktyabrın 26-da məktəbin akt zalında şagirdlərlə “Empatiya və bullinq” adlı maarifləndirici görüş keçirilib.
Çıxış edənlər bildirib ki, son zamanlar dünyanın bütün ölkələrində təhsil müəssisələrində müşahidə olunan ən qabarıq problemlərdən biri təhsilalanların təzyiq və aqressiv davranışların hədəfi olmasıdır. Onlardan biri son vaxtlar leksikonda yer almış bullinqdir. Bütün uşaqlar gec-tez bullinqlə rastlaşırlar: ya qurban, ya incidilən şəxs və ya şahid kimi, yəni həm onlayn, həm də reallıqda. Bütün bu rollar uşağın şəxsiyyətinə dağıdıcı təsir göstərir.
Daha sonra tədbir iştirakçılarını maraqlandıran suallar ətrafında geniş diskussiyalar aparılıb.
