8 noyabr - Zəfər Günü ilə əlaqədar tədbir keçirilib
07 noyabr 2023-cü il tarixdə “8 noyabr - Zəfər Günü” ilə əlaqədar məktəbin ibtidai sinif müəllimlərinin təşkilatçılığı ilə tədbirlər təşkil olunub. Keçirilən tədbirlər zamanı müəllimlər balaca fidanlara Azərbaycan Respublikasının Prezidenti, Silahlı Qüvvələrin Ali Baş Komandanı İlham Əliyevin rəhbərliyi altında Azərbaycan Ordusunun Ermənistanın ardıcıl təxribatlarının və yeni işğal planlarının qarşısını almasından, işğal altında olan torpaqlarımızı azad etmək məqsədilə 2020-ci il sentyabrın 27-dən etibarən başladığı zəfər yürüşündə inanılmaz uğurların əldə olunmasından danışıbar. Bildiriblər ki, Azərbaycanın hərbi sahədə qazandığı qələbələr, xüsusilə Şuşanın düşmən işğalından qurtarılması müharibənin taleyində həlledici rol oynayıb. Bütün bunlar Ermənistanın öz məğlubiyyətini etiraf etməsi və kapitulyasiyası ilə nəticələnibdir. Azərbaycan Respublikasının Prezidenti İlham Əliyevin 2020-ci il 3 dekabr tarixli Sərancamı ilə xalqımızın qüdrətinin və milli qürurumuzun təntənəsinə çevrilən, dövlətimizin nüfuzu və gələcək inkişafı baxımından müstəsna əhəmiyyət kəsb edən bu misilsiz qələbənin əbədiləşdirilməsi məqsədilə hər il noyabrın 8-i Azərbaycan Respublikasında Zəfər Günü kimi təntənəli şəkildə qeyd edilməsi qərara alınıb. Daha sonra tədbirlərin bədii hissəsində şagirdlər şeirlər söyləyib, hazırladıqları kompozisiyaları nümayiş etdirib.
