Diaqnostik qiymətləndirmə
15.09.2023-cü il tarixdə məktəbdə bütün siniflər üzrə diaqnostik qiymətləndirmə keçirildi. Qeyd edək ki, diaqnostik qiymətləndirmə dərs ilinin əvvəlində hər hansı bir mövzunun tədrisinin başlanğıcından, həmçinin başqa sinif və ya məktəbdən qəbul olunan şagirdlərin bilik və bacarıq səviyyəsini aşkara çıxarmaq məqsədilə aparılır. Diaqnostik qiymətləndirmə zamanı məqsədlər müəyyənləşdirilərkən fənlər üzrə təhsil proqramının məzmunu əsas götürülür. Çətinlik dərəcələri müxtəlif olan (asan, orta, çətin) tapşırıqlardan tərtib olunur. Verilən tapşırıqların üsul və vasitələri (şifahi və yazılı, açıq və qapalı cavablı suallar, nəzəri və praktik xarakterli tapşırıqlar, yazı işləri və s.) fənnin xarakterinə uyğun seçilir.
