"Lütfi Zadə adına məktəblilərarası Məntiq Olimpiadası” nın 1-ci mərhələsi keçirilib
2020-2021-ci tədris ili üzrə “Lütfi Zadə adına məktəblilərarası Məntiq Olimpiadası” nın 1-ci mərhələsi 5 may tarixində keçirilməli idi. Lakin hava şəraiti ilə əlaqədar olaraq olimpiada 8 may tarixinə keçirilmişdir. Məntiq olimpiadasında 5-cı siniflərə məntiqi təfəkkürü ölçən 30 məntiq sualı təqdim edilib. Yüksək nəticə göstərən şagirdlər final mərhələsində iştirak etmək hüququ qazanacaqlar. Final mərhələsinin may ayının sonunda keçirilməsi nəzərdə tutulur. Olimpiada saat 10:00-da başlayıb. İmtahan müddəti 120 dəqiqə olub.
Mövcud Covid-19 pandemiyası ilə əlaqədar lazımi tədbirlər görülüb. İmtahan müddətində şagirdlərin vəzifələri onlara elan edilib.
