Xocalı soyqırımını unutma
Xocalı soyqrımının 29-ci ildönümünə həsr edilmiş “Xocalı soyqırımını unutma” mövzusunda online rəsm sərgisi keçirilib. Şagirdlər çəkdikləri rəsmlərdə ermənilərin Xocalı sakinlərinə qarşı törətdikləri vəhşilik və soyqırımı rəngli boyalarla əks etdiriblər.
Daha sonra məktəbin tarix müəllimi Təranə Əliyeva 7B sinfində Xocalı soyqırımını unutma başlığı altında online dərs keçib. Şagirdlərə məlumatlar verilib, faciənin dəhşətləri nəzərə çatdırılıb. Şagirdlər isə araşdırmalar aparıb, referat və divar qəzetləri hazırlayıblar.
Sərginin və dərsin keçirilməsində əsas məqsəd faciə qurbanlarının xatirəsini ehtiramla yad etmək, məktəblilər arasında milli vətənpərvərlik ruhunu yüksəltmək, gənc nəslə tarixi həqiqətləri çatdırmaq eyni zamanda, onların bədii yaradıcılıq potensialını üzə çıxarmaq və inkişaf etdirməkdir.