8 Noyabr" Zəfər Günü" ilə bağlı tədbir keçirildi
Məktəbin fəaliyyət planına uyğun olaraq, noyabr ayında məktəbimizdə tarix aylığı çərçivəsində 8 Noyabr" Zəfər Günü" ilə bağlı tədbir keçirildi. Tədbirdə 8"C", 7"C "və 5"A"siniflərinin şagirdləri iştirak etdilər. Tədbirin əsas məqsədi şagirdlərə 8 Noyabr Zəfər Gününün əhəmiyyətini mənimsətmək və bu tarixin dəyərini izah etmək idi.
Tədbirdə Bayramova Zəhra 2020-ci il sentyabrın 27-də başlayan və 44 gün davam edən Vətən müharibəsi nəticəsində işğal altında olan torpaqlarımızın azad edildiyini qeyd etdi. Cannur isə 8 Noyabrda 28 illik Şuşa həsrətinə son qoyulduğunu vurğuladı. Elmir əlavə etdi ki, 2020-ci ilin 3 dekabr tarixli sərəncamına əsasən, hər il 8 Noyabr Azərbaycan Respublikasında Zəfər Günü kimi qeyd olunur.
Sonra şagirdlər Zəfər Gününə həsr olunmuş mahnı səsləndirdilər. Tədbir "Bizə Zəfər Gününü yaşadan Ali Baş Komandan və Müzəffər Azərbaycan Ordusuna eşq olsun! Qarabağ Azərbaycandır!" sözləri ilə yekunlaşdı.
