25 Oktyabr Qubadlının işğaldan azad olunması günüdür.
Məktəbin fəaliyyət planınına uyğun olaraq 25 Oktyabr 2024 cü il tarixində məktəbin kitabxanasında Qubadlının işğaldan azad olunması münasibətilə tədbir keçirildi. Məqsəd azad olunmuş torpaqlarımızla şagirdləri yaxından tanış etmək idi.
Əvvəlcə tarix müəllimi Zərxanım Zülfüqarova çıxış edərək Qubadlının tarixi, işğal olunması, müzəffər ordumuz tərəfindən işğaldan azad olunması haqqında ətraflı məlumat verdi. O qeyd etdi ki,Qubadlı Qaçaq Nəbinin,üç gün erməniləri matəm tutmağa məcbur edən Əliyar Əliyevin, Aprel döyüşlərində iştirak edib,44 günlük müharibədə elə Qubadlı uğrunda döyüşlərdə iştirak edib, canından keçən, Azərbaycanın Milli qəhrəmanı Şükür Həmidovun vətənidir .
Sonra söz şagirdlərə verildi.Şagirdlərdən Sahil, Zəhra, Xətai,Əli Qubadlı rayonu haqqında maraqlı məlumatlar verdilər. Rüqəyya,Cannur,Emir isə şəhidlərimizə həsr olunmuş şeirlərlə çıxış etdilər. Daha sonra məktəbin təlim-tərbiyə işləri üzrə direktor müavini İsrafil Hüseynov 44 günlük müharibədə keçdiyi döyüş yolundan maraqlı məlumatlar verdi. Tədbirdə kitabxana müdiri Aytən xanım da iştirak etdi. Tədbir vətənpərvərlik ruhunda bittdi.
