İstedadlı qızlar, valeybol dərnəyi və gələcək uğurlar!
Voleybol dünyanın ən populyar və əyləncəli idman növlərindən biridir. Bu gün demək olar ki, bütün ölkələrdə peşəkar səviyyədə oynanılır və yüksək davamiyyət ortalamalarına çatan bu həyəcanverici oyun həm həvəskar, həm də peşəkar idmançılar tərəfindən geniş şəkildə sevilir və seçilir. Son zamanlar voleybola maraq daha da artmaqdadır. Məktəbimizdə fiziki tərbiyə müəllimi Emin Məmmədovun rəhbərliyi ilə oktyabr ayından fəaliyyət göstərən 6-7-8-ci sinif qızlarından ibarət voleybol dərnəyi yaradılmışdır.Sağlam və istedadlı şagirdlər bu dərnək vasitəsilə üzə çıxarılır və onların bacarıqlarının inkişaf etdirilməsi üçün mütəmadi olaraq məşqlər təşkil edilir. Məqsədimiz, şagirdlər arasında idman sevgisini artırmaq, komanda ruhunu inkişaf etdirmək və onların fiziki hazırlığını gücləndirməkdir. Gələcəkdə məktəbimizi təmsil edəcək güclü bir komanda formalaşdırmaq üçün bu cür dərnəklərin əhəmiyyəti böyükdür.
