Qəhrəman həkim Turqut Xəlilbəylinin anım günü
Məktəbin fəaliyyət planına uyğun olaraq 3"B" sinfinin adını daşıdığı sinifdə qəhrəman həkim Turqut Xəlilbəylinin anım gününə həsr olunmuş sinif təşkilat saatı keçirildi. Sinif rəhbəri Əmiraslanova Səbinə Turqut Xəlilbəylinin həyatı, döyüş tarixi, qəhrəmanlıqları haqqında məlumat verdi. Döyüş yoldaşlarını xilas edərkən şəhid olduğunu,onun şucaətinin,cəsarətinin,qəhrəmanlıq hekayəsinin örnək olduğunu vurğuladı. Tədbirdə iştirak edən qazi,məktəbin təşkilatçı müavini İsrafil Hüseynov da öz döyüş yolundan,müharibədə Azərbaycan əsgərlərinin cəsurluğundan,mətanətindən danışdı. Tədbirin məqsədi həm şagirdlərdə vətənpərvərlik duyğusunu inkişaf etdirmək,həm də vətən üçün canından keçən şəhid və qazilərimizi dərin hörmətlə anmaq idi. Şagirdlər mövzuya uyğun çıxışlar etdilər, şeirlər söylədilər.
