Şəhidlərimizi qürurla anırıq
Məktəbin fəaliyyət planına əsasən 27 sentyabr tarix müəllimi Aşıq Mehtiyev və kitabxana müdiri Aytən Məmmədovanın təşkilatçılığı ilə "Anım Günü" ilə bağlı tədbir keçirildi. İlk öncə tədbir Dövlət himnimizin oxunması və vətən uğrunda canlarını qurban vermiş şəhidlərin ruhunu 1 dəqiqəlik sükutla yad edilməsi ilə başlandı. Daha sonra Prezident İlham Əliyevin Vətən mübahisə haqqında videoçarx nümayiş olundu. Tarix müəllimi Aşıq Mehtiyev çıxış edərək bildirdi ki, Azərbaycan Respublikasının suverenliyi və ərazi bütövlüyü uğrunda gedən mübarizədə rəşadət göstərən əsgər və zabitlərimizin arxa cəbhədə çalışan mülki insanların bütövlükdə xalqımızın əzm və iradə, bir yumruq kimi birlik və həmrəylik nümayiş etdirərək düşmənə zərbələr endirildi. VII və VIII sinif şagirdləri xalqımızın qələbə tarixindən və şəhidlər haqqında topladıqları onların qəhrəmanlıq səlnaməsindən məlumatları bölüşdülər. Qələbəmizə həsr olunmuş şeirlər və IV "b" sinif şagirdlərinin ifasında mahnılar səsləndi. Sonda şagirdlər bizə qanlı döyüşlərin qələbə qürurunu yaşadan şəhidlərimizi heç vaxt unutmayacaqlarına and içdilər.
Tədbirdə direktor Günel Fətəliyeva, UBR Mədinə İsgəndərova, İbtidai sinif müəllimi Mərziyyə Əliyeva iştirak etdilər
