Şəhid Dilavər Məmmədzadənin anım günü keçirildi
Məktəbin illik fəaliyyət planınına uyğun olaraq məktəbimizin adını daşıyan Dilavər Məmmədzadənin anım günü keçirildi.
Məqsəd şagirdlərdə torpağa, vətənə, şəhidlərimizə məhəbbət hissləri aşılamaqdır.
Tədbiri giriş sözü ilə açan məktəbin direktoru Günel Fətəliyeva Dilavərin şərəfli ömür yolundan danışaraq, şəhidlərin ölmədiklərini daim qəlblərdə yaşadıqlarını bildirdi. Daha sonra şəhidin qızı M.İranə çıxış edərək xalqımızın ordumuzun bu günlərdə qazandığı möhtəşəm qələbədən danışdı. Şəhidin ailə üzvlərinə söz verildi. Şagirdlərin vətənə məhəbbət ruhunda tərbiyəsinə xüsusu diqqət yetirildiyini vurğulayan direktor şəhidlərimizin qanının yerdə qalmadığını və torpaqlarımızın qəhrəman cəsur ordumuz və Cənab prezident İlham Əliyevin qabaqcıl siyasəti nəticəsində azad olunduğunu nəzərə çatdırdı.
Şəhidlərin ruhu bir dəqiqəlik sükutla yad olundu.
Çıxışlarda qeyd olundu ki, torpaqlarımızın qorunması, vətənimizin müdafiəsi uğrunda canından keçərək şəhidlik zirvəsinə ucalmaq ən böyük şərəf və qürurdur. Şəhidlik zirvəsinə ucalanların xatirəsini yaşatmaq, ehtiram göstərmək, onları gəncliyə nümunə göstərməklə, hər kəsin vətəndaşlıq borcudur.
Şagirdlər “Şəhidlər ölməz, vətən bölünməz” adlı kompozisiya ilə çıxış etdilər.
Tədbirdə şəhidin yaxınları, ailə üzvləri, Təşkilatçı İsrafil Hüseynov, UBR rəhbəri Mədinə İskəndərova və şagirdlər iştirak etdi.
